حفلة بنــــــــــــــ ثامن ب ـــــــــــــــــاتي‏

السلام عليكم ورحمة الله وبركاته

كيفكم؟؟ شخباركم؟؟؟

أنا اليوم جدا مبسوووطة والحمدلله… لأني فعلا شفت الفرحة والسعادة في عيون طالباتي.. ماتتخيلوا قد ايش كانوا البنات فرحاااانات بالحفلة.. كأني ما أدري ايش عملت لهم…. طبعا انا قلت لكم في البداية البنات صاروا يقولوا لي …إنت أحلى من مدرستنا وشرحك أحسن…فأنا ما عجبني انهم صاروا يهرجوا على معلمتهم من ثاني يوم درستهم… وبعدين انا كم يوم ورايحة فلازم أحببهم في معلمتهم اللي دايمة لهم>>شوفتي كيف أنا أخلاق هع هع..

 قمت قلت لهم إن معلمتكم أحسن مني وهي اللي خلتكم كذا شطار وما شاء الله عليكم.. فإيش رايكم نعمل لها حفلة ونشكرها على التعب اللي تعبته معاكم… البنات فرحوا وشجعوا>> بنات يعزوا الحفلات ^^… طبعا اليوم كانت الحفلة.. فقمن بتزيين الفصل وجبت لهم تورتة بس للأسف نسيت أصورها ” كان الوقت مزحوم ما أمداني أزين لهم الفصل أكثر”.. كويس اللي قدرت أصور الفصل ^^.. وأنا قلت لهم اي كلمة تحبوا تقدموها لمعلمتكم قوموا وقولوا لها.. أي رسمة تحبوا تهدوها…أي شيء منكم راح يفرحها.. طبعا لصقت رسوماتهم على لوحة سوداء وبعدين لصقتها ع الجدار وعملنا لها شهادة شكر.. طبعا انا صورت لكم السبورة وكانت من رسم البنات.. وحطيت لهم شريط لاصق ع الجدار لونة بمبي وتفاحي ولوحة للبنات اللي جابوا الدرجة النهائية وكمان علقت بلونات.. كان الفصل حلو والبنات كانوا متحمسااات.. تفاجأت ان البنات جابوا لي هدايا بدل ما جابوا لأبلتهم هههههههههه>>أشعر بالخجل


طبعاً أنا ما لحقت أقرا إيش كتبوا البنات.. أنا شجعتهم يكتبوا بالإنجليزي>> طبعا تخصصي ^^. والله البنات حاولوا وكتبوا شيء مرررة حلوة على مستواهم “فعلاً أنا تفاجأت” وبصراحة بكيت من كثر الفرحة… كنت جدا سعيدة..وتسائلت هل يا ترى مُدرساتنا ودكاترتنا بيكونوا سعيدين لما بيشوفوا نجاحنا!!!!! شعور لايوصف لما حسيت إني بنيت شيء داخلهم وخليتهم يكتبوا بأنفسهم… لا وهما مرة متحمسيييييييييين المهم لما قامت البنت أتاريها قامت تمدحني جنب معلمتها… والله مرررة استحيت … وكملوها مدرسات المدرسة  وقالوا اول مرة نشوف بنات زيكم>>قصدهم مدرسات التطبيق العملي “احنا”.. لأن بقية المطبقات اللي شافوهم يجوا وهما مش طايقين نفسهم هههههههه>>صراحة بداخلي كنت تعبانة لأني كنت أشعر إني مش حمل المسؤولية وهذا السبب اللي يخليني أخاف أدرس

لأن هذي أمانة ولازم نخلص ونأديها على أكمل وجه… بس انا حبيت البنات وعرفت قد ايش هما بيعانوا.. وكانوا محتاجين أحد يسمعهم ويحسسهم أنهم شيء في هالمجتمع… يالله قد ايش مدارسنا بتكبت الطلاب وقد ايش الطلاااب بيعااانو

 

ياااااااااااااا رب وفق طالباتي الــ90 ♥ ونجحهم وأهديهم وبلغني اشوفهم وهما كباااااار>>أحلى يا عاقل

الآن مع الصور ويكفي قرقرررة ^^

Advertisements

One comment on “حفلة بنــــــــــــــ ثامن ب ـــــــــــــــــاتي‏

  1. امووت انا ع الاحساس‏↳‏
    يااازينك يسور عاد انتي بالك طوويل ماشا الله .. ينفع تكوني معلمة
    اتمنيييت احضرلك حصة ^^
    من جد .. ي حظ طالباتك فيك
    ايوة طبعا ابلاتنا يسعدوا بنجاحنا خصوصا “طووووط”
    الله يهديك ذكرتني بالمدرسة .. كنت ناسيتها @.@
    بس احنا ماكنا كذا ههههه

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s